مجلة مصطبة العامية المصرية - (((معنى الغرام ))) بقلم / ابو عبد الرحمن المصرى

(((معنى الغرام )))

يالحن وسط
الجفون مشغول انا بيه

ارسم الضحكة واسهر
كل ليلة احلم انا بيه

فى عشقى غرام
ويا الملامح ازاى تداريه

دا الغصن طارح وبدعى
رب العرش كل يوم ينجيه

والضحكة فى وصفها
كاسات خمرا سكران انا بيه

برسم فى بعدها
لمعنى الغرام ابيات

غلبنى السهر
ويا ليلى بكتب كمان حكايات

لما الجميل
برمشه عدى عليا وفات

مالك ياليل ويا
الجميل سهران

دا العشق جوانا
والحب من الرحمن

خدنى ويا القمر
ندند وسط الربع الحان

وشد الوتر
وارسملى كمان ابيات

تحيي جوة منى
الف معنى للامل والذكريات

غنى ياليلى
كمان واشقينى

لما النظرة لعيونها
كل يوم لفؤادى تحيينى

غنيلى
وارسمها وشم يخلينى

اعرف معنى الشوق
حتى النوم لجفونى ناسينى

رحت اخبط على البيبان
ادور على حبيبى من زمان

وحلفت لادور
على معنى الغرام

وشقيت طريقى
فى كل عصر وزمان

لكن ما دلنى
عليها يوم انسان

وتهت انا
وسط الغرام

لا عارف ياليلى اسهر
ولا حتى لحظة انام

ورجعنا من تانى 

مع

 ابو عبد الرحمن المصرى