(تاج علي روسنا) ٢٧يناير٢٠١٧
****************
مصر يا تاج علي روسنا
يا عزه لينا وهديه
يا حب ساكنا ف نفوسنا
يا زهره وبسمه ورديه
يا ام النيل.... يا قمر الليل
يا عمر طويل يا ست الكل
بحب سماكي وقلبي هواكي
وروحي فداكي لو غادر طل
خيرك ف لوني منور جبيني
يا ماليا عيني ومالكه اسمي
ربي يصونك ويكون ف عونك
دنا حتي لونك باين ف رسمي
يا غاليه حبيبتي يا امي
يا نبع الحب جوه القلب
يا عشق بيجري في دمي
ومالي الروح بحب اتصب
بحبك ...قمره ضوايا
بحبك نسمه ف هوايا
و حاسك عشق جوايا
يا غاليه طبطلي وضمي
يا مصر ياللي اسمك روح
يا سا كناني منين ما بروح
يا ام الكل يا زهره
علي الدنيا عبير بيفوح
يا قمره فوق جبين الكون
مضوياه وملاليه
انا عاشقك ومهما يكون
بتزيدي غلا عليا
لا هاممني يكون فيكي
ظلم تقل جبال
ولا هاممني الاقيكي
ماليه ميت موال
يغنوا ايه جري ليكي
ف ضيقه الحال
وانا عارف يا امي جوابك
ان مالكيش ذنب
كتير واقفين علي بابك
بندعي يا رب
يفرجها علي احبابك
يشيل الكرب
دا احنا ولادك يا امي ........وبنحبك
وروحنا تهون لخاطر شبر من ارضك
وناكل بالسنان غادر ييجي ...جمبك
فيا امي بقي حني ..
....دا
حملنا ذاد
وبكتب شعر وبغني .
...شوفوا
يا اولاد
لمصر بغني وبفني ...
........بلف
بلاد
لابشكيلها ولا مستغني
) بس
يامه الذاد(
وخايف همي بسكني..
......وأكون
عواد
يا شمعه ف ليل تونسنا
يا مصر يا تاج علي روسنا
يا اغلي بلاد
بقلمي
المصرى العربى الحر
الشاعر/محمد الشاذلي
