اعتب عليكي.
22/6/2018
اعتب عليكي ولا مقولش
كلمة ...... عتاب
كان ظني فيكي لكن يا
امي الظن...... خاب
غنيت ف حبك
ورسمت صورتك
نجمه ف سحاب
وقلت فيكي كلام يكفي
....... الفين كتاب
طب ليه يتقسي وتخلي
قلبي الشب شاب
ولساني فيكي عمره يا
امي ف يوم ما عاب
ف ليه بتقسي ولا
بتنسي قلبي ....اللي داب
ف هواكي يامه يا مصر
طيفك عمره ما غاب
ولادك احنا وفداكي
روحنا ...... ليه العذاب
اعتب عليكي ولا مقولش
....... كلمة عتاب
ازاي يا امي تكوني ام
والقسوه فيكي
وانا كنت فاكر اني
انا بس اللي ليكي
بالله عليكي العيشه
يامه صبحت هباب
ف اعتب عليكي ولا
معادشي ينفع عتااااب
ابنك المليان بحبك
الشاعر محمد الشاذلي
No comments:
Post a Comment